李元元着公主裙照凸腩　阿媽笑佢肥被網友檢舉

藝人李璨琛同老婆梁志瑩（Sophia）嘅囡囡李元元（Lucy）搞怪可愛，深得網民歡心，人氣分分鐘高過爸爸！最近Lucy愛上扮公主，即使每日喺屋企都堅持要着公主裙，令媽咪非常無奈。

呢日Sophia喺社交網晒出囡囡同另一小朋友一齊着公主裙嘅相，相中旁邊嘅小朋友坐得好優雅，相反Lucy則攤喺梳化食嘢，形成強烈對比，佢仲搞笑嗌個女做「肥佬」！

點知呢張相上載唔夠幾個鐘，竟被人檢舉指佢發出關於霸凌嘅貼文，有網民即笑指Sophia「霸凌」自己個女：「終於有人為Lulu發聲」、「Lu媽搞笑啫！大家唔使咁認真」