相隔2個幾月！廖慧儀2連發出Post　孖港隊型男行山

落選港姐廖慧儀（Jessica）與前男友Sam不歡而散，Sam更於去年12月初墮樓身亡，而Jessica與《#後生仔傾吓偈》嘅緋聞男友孔德賢就成為眾矢之的，早前兩人就被爆同屋煮飯仔。一直潛水嘅Jessica只於社交網限時動態更新，未有出新Post，對上一次已經係2020年11月20日晒台慶靚相，不過相隔2個幾月，佢終於重新出發，仲兩連發出Post！

佢上載行山相留言「????? ?小時行山?????????✅一路帶路一路回望等我哋? 叻女」，着上白色小背心嘅佢微露事業線兼露出燦爛笑容！而另一個Post就見佢攬實狗狗一連自拍5張相，仲話「錫晒你」！不過佢就Set咗留言數量上限，唔畀人Comment，而頭像依然係全黑！

咁究竟佢係同邊個行呢？今次唔係孔德賢，但同樣係大隻仔，仲要係香港手球代表隊成員謝永輝（Freddie）！Freddie晒出喺同樣位置影嘅獨照，而Jessica就畀Like！兩人其實係中學同學，兼曾代表學校出賽，如今相隔多年仲有聯絡，睇嚟感情相當要好！