廖慧儀重新出發 孖大隻型男行山

20210127
東網電視
更多新聞短片
有狂野空姐之稱嘅廖慧儀(Jessica),同前男友Sam不歡而散,Sam更喺舊年12月初墮樓身亡,而Jessica同緋聞男友孔德賢就成為眾矢之的。一直潛水嘅Jessica終於重新出發,仲兩連發出Post!佢上載行山靚相,着上白色小背心嘅佢,咁究竟佢係同邊個行呢?今次唔係孔德賢,而係同同樣係大隻仔嘅香港手球代表隊成員謝永(Freddie)!Freddie晒出喺同樣位置影嘅獨照,而Jessica就畀Like!佢哋其實係中學同學,相隔多年仲有聯絡,睇嚟感情好好。
前港姐冠軍馮盈盈備受無綫力捧,連續做咗幾個大騷主持,分別係《萬千星輝頒獎典禮2020》、《慈善星輝仁濟夜》、《big big shop新春感謝祭》,咁都未夠,呢排仲密密為無綫節目《天天開運王》開工,每日由朝拍到晚,等埋位嘅佢,終於都忍唔住邊食邊瞓覺,仲要瞓到反白眼,要助手叫先識起身,佢自己都忍唔住感慨留言,話好似有過度活躍嘅佢,都會有好耗盡嘅時候,呢幾年都攰啦,真係無電喇。