朋友一呼百應!黎瑞恩孖莊思敏落區送暖派物資

2021年01月27日 14:33
東網電視
更多新聞短片
真係好有愛!
樂於助人、對慈善不遺餘力的藝人黎瑞恩,再次出動與莊思敏及一班義工向有需要的人士派發羽絨被送暖。她們將數十袋包裝得井井有條的物資,分批分發到各區派發,愛意滿瀉。她表示:「仲有兩個禮拜就過年喇,因為疫情嘅關係,呢一年各行各業都過得好艱辛,與其坐喺度自怨自艾,倒不如積極做一啲平時因為冇時間去做嘅事。」
她透露最感動的是過去數個月,以超短的時間召集下,好朋友們均一呼百應,分別捐出300盒口罩籌款、買超過300個睡袋、300張羽絨被,大家出錢出力,二話不說幫手做義工,一齊夜麻麻陪她走匀多區派睡袋予露宿者。她說:「仲有派羽絨被,每人抽住幾大舊嘅被,來來回回派足幾日,有啲地方有電梯,但有啲地方係舊式唐樓要行幾層樓梯,我知其實大家都好辛苦,但大家為咗趕及喺寒流嚟到之前,送暖畀有需要嘅人,由籌款到行動大家都極為迅速爽快,你哋令我引以為榮呀!」