馬賽胡杏兒北京相見歡：幸福感滿滿！

藝人馬賽雖然現時長居於北京，但與香港嘅朋友依然友誼深厚，呢日佢喺社交網晒出早前胡杏兒到內地工作時，2人相約敍舊嘅合照，佢興奮留言：「好開心在北京見到了姐姐，幸福感滿滿的一天，真希望香港的朋友們都來北京。」從照片可見，當時胡杏兒尚未見肚，而馬賽已輕撫其孕肚，相信佢早已得知好友懷有第3胎嘅喜訊。

其實佢哋不嬲情同姊妹，不但曾合作《萬凰之王》、《耀舞長安》等無綫劇集，胡杏兒當年結婚時，馬賽仲係佢伴娘之一，相當老友！