阿嬌新戲演妲己　顏值爆表獲網友大讚

鍾欣潼（阿嬌）之前拍攝內地電影《封神之妖狐王妃》，飾演蘇妲己，而男主角係扮演霸氣帝王嘅沈震軒，阿嬌喺戲中盡展氣質，着上戲服策騎，有型又靚，下巴尖尖輪廓凸出，果然係360度零死角美女，網民話佢係「最美妲己」！而佢呢個Look，令人諗起佢喺2002年，喺《齊天大聖孫悟空》扮演紫薇仙子嘅造型，就算已經相隔19年，但阿嬌依然冇走樣，一樣咁青春可人！

前港姐亞軍王卓淇一向都鍾意玩社交網，經常着住貼身裙，大騷蛇腰同長腿玩自拍，被網友封為宅男女神。唔知係咪佢呢排留得太多喺屋企抗疫，竟然望落肥咗唔少，呢日佢喺社交網上載跳舞片，見平時瓜子臉嘅佢，塊面竟然闊咗唔少，佢自爆忘記開瘦臉，原來佢一直用秘技照騙大家。雖然係咁，但唔少網友力撐佢，話佢這樣好自然好好看，珠圓玉潤有福氣。