爆魔童溝女要超越爸爸 袁詠儀唔覺張振朗似張智霖

2021年01月27日 22:01
東網電視
更多新聞短片
影后袁詠儀(靚靚)擔任今集繽FUN Live嘉賓,與主播俞詠文乜都傾!淡妝上陣的她心情大好,不時哈哈大笑,講到下月8日是結婚20周年,她透露老公張智霖(Chilam)趕得切回港慶祝,又笑言時間過得很快,覺得自己還很後生!問到最難忘的結婚紀念?她笑言:「冇特別,因為老公唔浪漫,佢只話食餐飯囉,唔會諗布置或開Party,我可以浪漫,因為鍾意玩同熱鬧,今年20年好難得,本身想開party,請20對couple嚟化妝舞會,但可惜要留番25周年先得。」
提到她是「買包狂」,她即謂:「邊個女人唔鍾意包,有咩好羨慕,我得幾個咋,覺得最緊要可以不停用,唔會過時實在啲!」此時仔仔魔童「亂入」繽Fun Live,即時成為焦點!講到仔仔魔童,她笑言有時望住對方好似見到老公,又謂希望仔仔性格像2人混合:「性格優哉游哉似老公,但煩就唔好似佢,似我灑脫好啲!」她又爆仔仔多女仔鍾意,不過魔童搞笑說現在學業為重,她又說:「老公話自己16歲就拍拖,仔仔就話要超越爸爸,我唔知佢講真定假,等佢受吓情傷,唔好以為個樣好啲就唔會畀人飛!」問到她可會是野蠻奶奶?她說:「唔會係,因為我見到好多朋友,我提醒自己要做點樣嘅奶奶,唔要求佢同我一齊相處,陪我走到最後嘅係老公,仔有自己伴侶要照顧。」
最後到萬眾期待的問題,問到她知不知道誰是張振朗?又覺得他像不像張智霖?她說:「有喺電視有見過,梗係唔似張智霖啦,人哋靚仔咁多!(張智霖同張振朗都咁靚仔!)我對住你梗係咁講啦!」最後提到新年,她謂會享受一家三口休息,戶外活動可能參與,但要視乎疫情。