黑氣纏身！劉佩玥拉傷腳腰　再打乞嗤出事做物理治療

前港姐季軍劉佩玥（Moon）2020年年尾拍攝《把關者們》外景時，喺拍攝場地險連人帶車跌落河，好在最後冇事發生！嚟到新1年，佢就慘被傷患困擾，佢喺社交網上載咗張黑白相，留言：「話說，前幾日拉傷腳同條腰，昨（前）日……我打咗個乞嗤，然後條頸痛到郁唔到，扭唔到左右，郁唔到前後，幸好我身邊有好多好好的同事朋友扶我、幫我、體諒我。今（昨）天去做物理治療，刮痧針灸衝擊波繼續樣樣齊，原來身體真係要錫！」而成日被人笑經常做「傻事」嘅佢，不忘笑言：「同埋腦真係要帶！」

而張相原來係佢背脊，真係唔講唔知，玉背花晒布滿一點點，真係陰功豬，好好休息唔好咁操勞喇！