前世仇人？雨僑晒羅力威同囡囡互相傷害證據

好多人成日話囡囡係爸爸嘅前世情人，呢日雨僑要粉碎呢個講法，晒出老公羅力威同囡囡羅約彌（Harper）「互相傷害」嘅證據！雨僑決定放手畀老公嘗試獨力湊女一日，起初新手爸爸羅力威唔肯面對現實，聽到囡囡喊聲都唔願起身，直至的起心肝正式開始行動時，點知全程都手忙腳亂，首先由幫囡囡換尿片時搞到件底衫都有屎，之後過程中囡囡不斷嘔奶，即使爸爸抱住都喊到收唔到聲，最終都係要雨僑出手幫忙！

雨僑都忍唔住笑指兩父女係前世仇人：「有人話女兒係爸爸嘅前世情人，首先我就唔信有前世啦，就算有，你兩個可能係仇人，等你哋今世和好如初！」