又有猛料？練美娟爆保錡大鑊：佢搞到我幾個姊妹懷孕

組合ERROR成員吳保錡被背正印賴嘉賢（Carrie）暗撻藝人張沛樂（沙律）後，繼而又爆出背Carrie約健身教練粉絲上床，負面新聞一籮籮。

前日佢為ViuTV節目《調查男友》擔任嘉賓，片頭trailer已暗寸佢：「你出名保守，多唔多性經驗呢？」，而佢就以自豪語氣話：「超多呀！」節目中，主持練美娟問到有冇試過搞出「人命」，保錡秒回話冇，另一主持林曉峰笑指佢眼神有啲怯，練美娟突然爆出一句：「以我所知，佢已經搞到我幾個姊妹懷孕。」保錡招架唔住，當堂呆咗，練美娟就即時補番句：「係耳朵懷孕！」指姊妹係粉絲，愛聽佢嘅歌，向來主持經驗豐富嘅林曉峰，亦笑指呢個爛gag唔敢接落去。

而今日保錡於社交網上載新圖，指自己剪咗頭髮。