金盈孖前主播男友Jeff創業　搞完事業再諗結婚

前無綫新聞主播金盈與前明珠台主播男友Jeff Tang離開無綫之後，孖住一齊創業，日前佢哋獲邀出席本地綠色生活設計連鎖店位於尖東的店舖開幕活動，Jeff透露店舖創辦人雷雲（Maggie）一向好關注環保，他說：「Maggie嘅環保事業做得十分出色，今次過嚟偷師，我自己都有做環保嘅生意，同唔同行業合作建立綠色時尚生活平台，依家都開發緊啲產品，已經不停試驗緊，希望好快可以推出市面。」

現場見佢哋喺首飾專櫃不停睇耳環及戒指，問到拍拖4年嘅佢哋，係咪有結婚打算？佢哋異口同聲表示早已有共識結婚，但想有一番事業先，現階段一齊拚搏打江山，結婚時必定會通知大家。