F.I.R.換主唱惹負評　阿沁嗌Faye回歸：我冇趕佢走…

台灣樂隊「F.I.R.」前女主音Faye（詹雯婷）2018年自爆被其餘兩名成員陳建寧、阿沁踢出樂隊，直言係「被退團」，而F.I.R.則換上新主唱韓睿，不過卻遭到網友批評，紛紛表示想要Faye歸隊。而F.I.R.近日擔任大陸音樂選秀節目《天賜的聲音》嘅飛行合夥人時，阿沁公開嗌對方回歸，點知就被網友鬧爆！

阿沁於節目中強調絕對冇趕走Faye，坦言雙方都係認識20年嘅朋友，冇可能唔知道對方諗咩：「如果她願意的話，我在這邊邀請詹雯婷，我曾經的團員、我曾經的戀人，更是我們曾經的夥伴，我誠摯地邀請你回來，跟我們合唱，只要你願意，這裏永遠是你的家。」

不過節目播出後，引嚟唔少網民湧入粉絲群，阿沁為反擊網民，仲還原當年Faye退團事件始末，又呼籲外界停止網絡霸凌，而佢太太亦出面表示支持老公，反問網友「大家都替我感受到不尊重，但其實我真的沒有感覺到不受尊重喔！都這年紀了誰沒有前男女朋友？」