捲入三角戀風波　陳凱詠自揭同顧定軒關係

藝人陳凱詠（Jace）與鄺芷凡為香港開電視節目《潮聖導賞團》任主持，對於Jace近日捲入三角戀風波，被指與導演陳健朗發展地下情後分手，之後與好友顧定軒成為戀人，惟後來她又與陳導復合，她聞言即大嘆表示好驚，因從未經歷該類新聞，當日消息傳出後也被父母追問，她說：「多謝大家關心，其實我哋3個係識咗好耐嘅朋友。（同陳導係咪拍過拖？）佢係我好早認識嘅朋友，依家佢忙緊拍戲，我都有新歌出，會繼續互相支持，希望佢會搵我拍戲。」

問到跟顧定軒是甚麼關係？她說：「呢個朋友識得仲耐，所以有邀請佢拍MV，佢係我入行以來最早認識嘅朋友，可以攬頭攬頸。（有冇追你？）梗係冇，唔知佢睇唔睇得起我，都係做朋友同『兄弟』就算。（有冇發展機會？）未來嘅事好難講。（有冇試過三角戀？）冇，呢啲關係最好清清楚楚。」