硬食難聽評語　衛詩被標籤化：好影響情緒

歌手衛詩（Jill）為ViuTV音樂節目《Chill Club》錄影，談到新歌《一知半解》，她表示是講很多人沒真正了解對方就會標籤別人：「我都試過，喺屋企、細個、社會都一定會畀人judge。（最難忘畀人標籤乜嘢？）唔記得啦，一定有經歷過啲難聽說話或評語。（唔開心？）會影響情緒，但依家好好多啦，依家好正面，過去已經過去，亦唔會隨便標籤人。」她又透露今年年尾會出EP，是繼2009年後再出碟，自己都期待已久。

提到即將過年，Jill透露會與姐姐衛蘭及爸爸留港，笑言：「依家都去唔到其他地方，所以我哋會一齊食飯過年。」至於媽媽就在韓國，她坦言擔心當地疫情：「有同佢通過電話，佢擔心我哋，我就話韓國好似嚴重啲，所以叫佢小心啲，少啲出街，佢都係留喺屋企多。」