【年輕版「高妹」】何嘉莉王馨平25年後終碰面

藝人何嘉莉（Lillian）日前喺社交網上載一張與王馨平合照，兩位美魔女難得聚頭，52歲嘅王馨平保養得宜、凍齡有術，而索媽何嘉莉生咗3個小朋友仲依然咁Fit，令人羨慕！

其實2人甚有淵源，何嘉莉於青春電影《四個32A和一個香蕉少年》中飾演王馨平嘅年輕版「高妹」，所以冇機會有對手戲。好多網民大讚歲月幾乎冇喺兩人臉上留低痕迹。

2人有緣相見，皆因佢哋為音樂監製伍仲衡於3月嘅音樂會宣傳，Lillian亦留言感謝伍仲衡嘅「無心插柳」，先造成今次25年後嘅小粉絲與女神碰面：「其實我真的非常開心，就這樣原來已經是25年的事，有誰知道我們的淵源嗎？？當年還是少女的我，留着長長的頭髮剛剛出道，外間常說我跟Linda很像，那時候真的很高興，因為她很高貴很優雅，昨天看到她還是依舊溫柔動人，站在她身邊還是有種小粉絲的感覺啊！（睇我這個含蓄的笑容就知道）」