「扮嘢王」王祖藍出山　神還原華晨宇似到癲

藝人王祖藍出名係「扮嘢王」，以往扮過唔少深入民心嘅經典角色，近日佢重返停播咗7年嘅內地綜藝節目《百變大咖秀》，再次展現超強模仿功力，扮演最近自爆秘婚生B嘅內地歌手華晨宇！

祖藍重演對方參賽《歌手當打之年》時演唱《寒鴉少年》嘅片段，不但髮型、服裝都跟到十足十，更不忘使出對方招牌手勢蘭花指，堪稱「神還原」，唱到高潮時佢更特意踩爛音響，炒熱全場氣氛，贏得一致好評！