《巾幗4》延期開拍　黎耀祥為咗佢甘心等待

藝人黎耀祥為無綫賀年節目《金牛吉祥耀保良》錄影，透露疫情關係未能出埠，於美國讀大學的兒子亦已返港，將透過Zoom完成餘下課程，但畢業後將如何發展則未有定案。問到兒子回港可習慣？他說：「佢冇女友，心繫父母，所以冇乜嘢。」

談到有份參演的新劇《巾幗梟雄》第4部曲，黎耀祥指將於內地取景，但受疫情影響，暫未定實開拍日期：「暫時Hold住個期，有提過3月、5月同9月，所以到時先算（等咁耐都肯？）同鄧萃雯係老拍檔，今次再拍唔係為錢，10年前呢套劇畀咁多成就我，再同一組合拍，對自己同觀眾都係情意結，係好好回憶。」