陳瀅加拿大唔戴罩四圍玩

藝人陳瀅依家身在加拿大探親，此行佢除咗見家人之外，佢更多次晒出同友人出門嘅相，近日佢仲先後喺溫哥華史提夫斯頓漁村（Steveston Village）及Cypress Mountain滑雪場打卡，日日出街一啲都唔怕疫情問題。

不過有網友就指出，卑詩省（BC）政府衞生官頒布指令：「所有事項和社交活動均要暫停，以大量減少社交接觸和交通往來。指令由2020年11月19日午夜開始生效，並維持至2021年2月5日午夜」更在社交聚會中，要求唔可以同家人或同住人士以外嘅任何人於家中進行社交聚會，即有網友指陳瀅無視「禁聚令」，留言勸佢遵守命令。

而從陳瀅上載嘅相中，見佢除滑雪以外，幾乎每張相佢都未有戴上口罩，更游走城中多處地方，相反網友指好多當地居民為避免疫情擴散，都忍耐同作出不同程度嘅犧牲，請陳瀅避免出遊以及同朋友聚會。