湯洛雯宣示主權做正印　馬國明「二奶」淪陪襯

無綫小花湯洛雯（靚湯）同馬國明不時傳出好事近隨時喺今年拉埋天窗，雖然仲未有結婚消息，但靚湯已霸埋男友架車宣示主權！

靚湯喺馬國明架戰車前面Chok晒甫士影相，鬼咁有型，佢以英文留言：「事實上…我係個好鍾意揸車嘅女仔！」馬國明都好識做回覆：「型……???」網民都笑言：「你鍾意揸車因為呢架車係你男朋友嘅?！」唔少男人都視車如妻，今次靚湯咁放閃法，仲唔係「坐正」做正印？

而日前，佢話想開網上頻道，問吓網民改咩名好，網民就建議「天下第一仙女」、「返嚟飲湯」，當有人話「Tournament」，靚湯就自爆「其實係我花名嚟嘅?」，亦有人笑言「明雯規定」，靚湯回覆「笑咗」，真係冧到暈啦！佢又話會拍啲真實嘅片，唔通公開感情生活？真係令人期待呀！