冇刻意照！李丞責算到第2胎性別：出世再公布

藝人薛家燕與堪輿學家李丞責在將軍澳電視城出席節目《天天開運王》記者會，李丞責日前宣布老婆劉倩婷懷有第2胎，薛家燕大讚他幽默搞笑：「唔怪得佢老婆咁鍾意佢啦，夫婦要恩愛先有得生㗎，哈哈。」問到他老婆可有懷孕而性情大變？他笑說：「老婆啲脾氣變好咗，因為佗住B唔可以大聲講嘢，又行得比我慢，我又煮咗好多美食畀佢，佢享受美食嘅時侯特別和善。（知道BB性別未？）我就知道，但係未必百分百準確，好似口罩一樣99%，都冇刻意照，等出世再公布。」

李丞責指生肖屬虎的薛家燕牛年是「紅鸞入命」，緣份從天而降，他笑說：「以家燕姐如此年輕，分分鐘有咗都仲得呀。」她即笑說：「我已經食咗靜心，嗰方面（指生育）收咗工㗎喇！哈哈。我都希望屋企有喜事。（心急大女珊珊結婚？）希望有喜事啦。」