親解勁爆黑眼圈之謎 余德丞自認非常健康

20210202
東網電視
更多新聞短片
藝人余德丞早年踢波期間暈倒送院,此後外間很關心他的康復進度。上月他為足球節目擔任主持,期間被網民發現眼袋浮腫兼且沒精打彩,頻頻「食螺絲」,隨即引起猜測其身體狀況。
他出席劇集《十月初五的月光》拜神儀式,戲中客串扮演「年輕版祝展輝」的他,一再強調自己無大礙:「所以同公司溝通過,想開始拍番劇,依家熱吓身先。(身體真係冇事?)大家唔使再作無謂嘅揣測,做主持嗰場係澳洲球賽,本身唔熟當地球賽同球員嘅資料,作為主持應該花啲時間去做資料搜集,所以先瞓唔夠,可能加上現場燈光同埋化妝影響,先影到我個樣好似好攰。」
他續謂至小還有哮喘,加上血液循環麻麻,故令黑眼圈加深:「真係輸在起跑線,呢個冇得搞。又估唔到大家睇波之餘,又會睇埋我外表。」他指明白大家會「先入為主」擔心自己:「其實我非常健康,仲會去跑步,目前嘅身體狀況,我係可以應付到工作嘅。」