黑仔事接二連三！劉佩玥生蛇痛到爆：好似被電擊

前港姐季軍劉佩玥（Moon）繼去年拍攝外景時險連人帶車跌落河後，一踏入今年就慘被傷患困擾，豈料黑氣似乎仍未消除，今日佢喺社交網上載張黑白相，並透露「生蛇」，認真黑仔！

佢話感到刺痛無比：「2021第一擊，生蛇。真係，好痛，無論你郁定唔郁都好似被針拮、被火燒、被電擊。總之，好痛。感恩每位同事朋友們寵愛有加，十分遷就萬分體諒，感謝你們。2021我知道了。我不只要努力工作，更要好好照顧身體，身體好，才有力氣走更遠！放心，我會快快好起來，吃有益的，天天運動，好好休息，不會令你們擔心。」