鄧卓殷情人節有男友陪　單身鄧佩儀匿屋企

藝人鄧佩儀及鄧卓殷出席情人節活動，被「逼供」講以往戀愛軼事。鄧佩儀表示初戀發生在16歲：「佢約我睇戲，期間買咗一杯汽水兩份飲，我緊張到全程都冇飲過一啖。」鄧卓殷靦覥承認初戀維持到參選港姐，郭子豪是人生中第2位男朋友。

講到情人節怎過，鄧佩儀無奈謂：「今年情人節要自己過，可能匿埋喺屋企嘞。冇辦法，閨蜜們已經成雙成對，雖然話唔介意我同佢哋一齊，我唔想做電燈膽囉。（單身咗好耐？）幾年，以前唔恨（拍拖）嘅，依家想嘞。（擇偶有乜條件？）好簡單，最緊要善良，人愈大諗得愈多，發覺善良又有幽默感嘅男仔係最吸引。」

問到鄧卓殷情人節是否已經有約，及期待收到甚麼禮物？她說：「冇呀，佢忙緊拍劇，農曆年得幾日假，可能想休息。（你落廚煮嘢畀佢食？）研究吓，或者考慮整蘿蔔糕。（趁新年見家長？）情人節啱啱係初三，以往都有親友嚟拜年，我要留喺屋企，再安排啦。」