見證神迹！鄧建明獲上帝醫治好長短腳

歌手鄧建明（Joey Tang）應創世電視榮譽顧問葉家寶邀請參與錄影，節目將於大年初一於網上播放，Joey與林少聰牧師綵排後，爆出Joey一個親身見證，Joey說：「有次我去馬來西亞做騷，個監製好曳，貪玩拉走我張櫈，我一坐低就跌倒受傷，喺當地睇咗跌打都仲未得，牧師一見到我，就話我長短腳，就圍住我幫我祈禱，上帝醫治，真㗎！」

提到在澳洲讀書的兒子自上年2月至今，因疫情關係未能返港，Joey表示為安全計，做了一個決定：「本身佢同6個外國同學住，依家幫佢轉單人房，疫情佢返唔到嚟，我哋又過唔到去，不過唔擔心，佢喺黃金海岸嗰邊無乜個案，如果有一宗確診，就會叫佢盡量6點半後唔好出街。（仔仔反過來擔心你？）不過我都習慣洗手，檢測咗好多次，好熟行。（年初一叫仔仔網上睇你表演？）平時佢都有睇嘅，覺得我唱得衰會畀個不滿嘅emoji我。」葉家寶透露節目還邀請了蔡立兒和歐陽德勛唱歌及劉錫賢做趣劇。