曾志偉《獎門人》回歸!馮盈盈江嘉敏爭住做嘉賓

2021年02月04日 00:01
東網電視
更多新聞短片
藝人曾志偉早前獲TVB大股東兼非執行董事黎瑞剛幕後「欽點」,擔任集團副總經理兼行政委員會特別顧問,全力負責綜藝及資訊娛樂節目,其愛將王祖藍亦獲委任為首席創意官。他們在內地發展多年,對製作綜藝節目甚有心得,人脈亦廣,加上有猛將余詠珊,對於無綫擴展綜藝節目的內地版圖,可謂如虎添翼!
現時身在內地的志偉很希望盡快回港與一班同事見面,據知已落實大年初一在港出席TVB大型賀年節目《金牛獻瑞賀新禧》,並將首次以高層身份與主席許濤一齊大派利是及主持舞獅點睛儀式,與台前幕後及觀眾開心迎新歲。據知無綫亦已在電視城行政大樓頂層之行政辦公室,預備了辦公室給志偉,更位於行政總裁李寶安隔籬,可見備受重視。
除此以外,他亦已着手計劃未來綜藝節目發展方向,以及製作適合港人及內地觀眾口味的綜藝節目,當中包括經典作《超級無敵獎門人》系列,望在疫情陰霾下為觀眾帶來歡樂。由於此事正在低調進行,過往一眾「獎老」錢嘉樂、林曉峰及金剛等暫未聽過消息,但紛紛期待志偉的新搞作,金剛更直言只要對方「吹雞」,他定必回港支持!
出名玩得的馮盈盈、江嘉敏及曾淑雅等都想做節目嘉賓,當中盈盈更對「獎老」之位「垂涎三尺」:「如果搞《獎門人》,我梗係想玩啦,細個都做過現場觀眾,攞咗好多獎品返屋企!我仲好渴望成為『獎老』向觀眾送禮物,帶畀大家歡樂!」
江嘉敏同樣自小已很喜歡《獎門人》系列,她說:「當然想上節目啦!不過都要等公司安排。細個真係睇好多,直頭係兒時回憶嚟!我最想玩啜乒乓波、辣辣壽司邊個食,好多個遊戲都印象深刻,如果可以,我想集集都上添!」提到曾志偉將首次以高層身份現身賀年節目,並向台前幕後大派利是,問她屆時可會𢭃封大利是?她說:「我未知通告點,見到志偉哥梗係會向佢拜年啦!自己今年都會派利是,媽咪已經幫我準備好晒。」
至於曾淑雅亦大感興奮:「呢個節目我由細到大都好喜歡,可以帶畀大家好多歡笑!如果可以,當然希望有份參與!過去一年因為疫情,唔少人都有好多負能量,都想有呢啲綜藝搞笑節目等大家開心一下。」
戴祖儀表示:「內心好開心好激動,因為真係有細睇佢嘅作品大,無論節目定係電影,可惜入咗行之後都仲未有機會見面。如果有機會玩,一定會!以前每個星期最期待就係睇《獎門人》,每個遊戲都好好笑!」