麥大力任明珠台主持 陳約臨嗒晒糖有讚冇彈

20210204
東網電視
更多新聞短片
《衝上雲霄大選》冠軍麥大力,曾擔任飛機師嘅佢,早前表示已經辭職投身娛圈,雖然人工預咗少一大截,但佢仍然冇有怕,話咁快已經有工開,叻過亞軍盛勁為同季軍陸煥恆!
呢日藝人陳約臨喺社交網上載為明珠台節目《港生活‧港享受》(Dolce Vita)開工嘅相,見佢好興奮咁同大力合照,指同對方合作得好開心,仲留言:「His First Day!Hihi!(他的第一天)」更影住對方坐喺梳化拍嘢,令網友估計大力可能加入節目做主持!
對此東網聯絡上陳約臨,佢大方承認男方已經加入佢哋《港》嘅大家庭,她說:「大力係我哋固定主持,新加入我哋呢個大家庭,同飛機師工作感覺好得意,我係咁問佢關於做飛機師嘅嘢。」佢又大讚對方表現專業:「唔好睇佢飛機師出身,佢背稿同講嘢好流利,所以佢真係好好,同佢合作得好開心。」