美容生意損失慘重　唐安麒拒減分店：我知點慳錢！

「美容瘦身教主」唐安麒（Angel）、朱慧敏、王賢誌、陳繹嵐、嚴淑明等，做義工向長者派發福袋。由於受疫情影響，Angel的美容生意受挫，前後停業約4個月損失慘重，不能單以數字計算，但每個月仍然要交成幾百萬租金，問到會否考慮縮減分店求存？她肯定說不會：「目前有8、9間分店，但唔會縮，我曾經經歷過沙士、金融風暴，都知點慳錢。（員工有糧出？）全線員工停業期間冇糧出，但如果有需要幫手我都會幫。」

提到近期頻頻出動派物資送暖，她表示全部都是自資，又謂特別關心劏房戶，自爆因為細個曾住過劏房3、4年，故有深切感受：「我喺單親家庭長大，住喺1間屋間咗8間劏房嘅地方，有成10幾個人，共用廁所、廚房，所以嗰陣嘅願望，係可以去住公屋嘅同學仔屋企玩，因為佢哋有獨立廁所。」