為仔女開社交網　吳若希爆囝囝叫「搏啜」

藝人吳若希（Jinny）與老公Alex於2017年誕下大女Giselle後，去年成功湊成「好」字，迎來第2胎細仔Kylian。近日Jinny喺社交網開咗個新帳戶，分享家庭生活，仲叫大家改口稱呼佢做何太！繼去年11月，一直保護囡囡嘅佢公開囝囝正面樣，被網民質疑佢大細超之後，呢日佢再晒出囝囝個樣，相中3個月大嘅Kylian同家姐對望，畫面十分溫馨。Jinny透露囝囝個花名叫「搏啜」，原因係「佢個樣真係好搏啜」，非常搞笑，佢仲留言同一對仔女表白：「我愛你們，愛到覺得你們就是我的全世界。所以，答應我，要開心健康地成長，繼續相親相愛。」