高過1米8！劉溫馨胡定欣合照長腿變晒形

藝人劉溫馨於無綫新劇《白色強人II》內同胡定欣鬥戲，閒時佢都會晒出拍攝花絮，等大家陪住佢一齊拍咁，今次劉溫馨就晒出佢同胡定欣齊齊着上白袍嘅合照，不過唔知係咪開咗廣角鏡頭事，定係失手用錯P圖App，2個人忽然拉高晒，仲要連對腿都變晒形！

合照中，劉溫馨同胡定欣企定定合照，佢哋仲要好合拍地着住白袍襯高踭鞋，加埋一同用手指指向反光板嘅動作，十足一對孖妹咁。

不過奇就奇在張相低抄影上去，雖然係令到2位靚女對腿顯長，不過加埋個廣角鏡效果，佢2個離奇變咗身高1米8咁，對長腿變晒形，張相構圖勁奇怪，唔知到底係邊個位出事呢？