李施嬅結婚　舊愛鄧健泓送祝福：我見過佢未婚夫

藝人李施嬅晒巨型婚戒宣布婚訊，舊愛鄧健泓接受東網訪問時，大方送上祝福，他說：「呢件事我一早知，我見過佢未婚夫，佢哋兩個好襯，祝福佢哋幸福快樂！」

胡說八道會一班好姊妹送上祝福，黃智雯說：「之前冇同我哋講會announced?但非常替佢哋開心，perfect match！」胡杏兒表示：「我哋都知道咗一段時間啦，好戥佢哋開心，好期待佢哋嘅婚禮！」胡蓓蔚說：「我都係啱啱先知佢公布，2021年一單大喜訊！我哋都識佢未婚夫，係個好好男仔，交畀佢手上，我哋好放心！」姚子羚說：「係呀好開心呀！祝佢幸福快樂白頭到老快啲生番個BB。」胡定欣說：「好恭喜佢，終於搵到個咁錫佢嘅終生伴侶，希望佢完成晒手頭上嘅工作，就快啲返香港，快啲結婚同生BB！」好友趙希洛說：「好開心呀！祝佢同埋佢嘅另一半快樂！見過佢未婚夫，佢好好仔！」

而好友陳山聰除表示恭喜外，更直認不知道對方有拍拖：「如果係真嘅當然恭喜佢啦，好戥佢開心，不過講真我拍《金宵大廈2》嗰陣，佢真係冇講過，我更加唔知佢拍緊拖添，佢都收得好密吓！真係戥佢好開心！恭喜晒。」