杜大偉孖愛妻上《流行經典》獻唱：佢手都震埋

藝人杜大偉（David）日前與愛妻楊凱琳（Stella）於無綫節目《流行經典50年》獻唱，零演出經驗的Stella表現緊張，幸有David在旁「又拖又攬」傍到實，最終順利過關，David表示：「老婆真係好緊張，唱歌時手都震埋，所以我用力拖實佢，等佢冇咁驚，佢唔係唱家班，有咁穩定嘅表現對我嚟講已經可比畀100分。」提到如何維繫與愛妻的甜蜜廿載情？他說：「我哋讀書嗰時認識，為咗追佢成日接放學，依家就成日接佢放工，就算幾忙都好，都會爭取時間陪佢。」

而近日他化身爆笑飛哥拍廣告，笑指拍攝前也有參考電影《阿飛正傳》，沒料效果不俗:「太太睇完笑到肚痛，話如果當初我好似啲飛仔咁花弗，就唔會接受我。」