20年喇！袁詠儀張智霖晒舊照慶祝瓷婚

藝人袁詠儀（靚靚）與老公張智霖（Chilam）向來恩愛，今日係佢哋結婚20周年紀念日，亦即瓷婚的大日子，靚靚於社交網晒相慶祝，並留言：「人生漫漫、愛久彌新。20週（周）年瓷婚，謝謝張先生。」照片以多張佢哋兩公婆昔日嘅舊合照組合而成，當中亦有佢哋與囝囝張慕童（魔童）一家三口嘅全家福，非常有紀念價值，不少圈中好友包括車婉婉、方力申等都紛紛留言送上恭喜。

而Chilam亦晒出周年紀念蛋糕以及兩支靚酒，笑指：「今晚飲硬嘢！」