張智霖袁詠儀慶祝瓷婚　收到蔡一智老婆邊份禮物最窩心？

影后袁詠儀（靚靚）與丈夫張智霖明年踏入相識30年，而2月8日則是2人結婚20周年。人緣不錯的張氏夫婦獲不少好友送禮祝福「永遠的愛情」。

靚靚今日於社交網上載大批禮物，並感恩留言：「謝謝各方好友的祝福，䱜花、蛋榚、禮物。感謝Suet Fong（蔡一智太太）幾個月前為我們準備這份心思禮物（瓷婚），感恩﹗在心中。」

談到閨蜜蔡太的心意，靚靚開心表示：「其實朋友嘅衷心祝福我已經好開心，一定要選一樣嘅話，我會揀蔡一智太太送嘅禮物，佢真係好有心，幾個月前就去訂盞瓷造嘅燈送畀我哋，配合我哋嘅瓷婚，呢樣嘢唔係話買話買到。」

原本靚靚今年打算搞派對與眾同樂，但被疫情打亂陣腳，她透露：「咁出年意義都好重大，依家初步計劃將派對順延到出年！」原來身在深圳的張智霖已於5日前（4日）返港，問到昨晚怎樣慶祝？她說：「好開心係個仔肯陪我哋，平時呢啲嘢佢唔肯，一家三口慶祝好滿足喇！」