女神崩壞！朱茵驚變哨牙大肥婆

凍齡女神朱茵向來保養得宜，係唔少女士學習嘅目標，活躍於社交網嘅佢，一改女神風格，繼之前用濾鏡驚嚇變臉之後，今日佢又喺社交網用濾鏡，今次竟然變成大肥婆，仲要肥到冇頸嗰隻，最難得佢完全唔介意，喺鏡頭前扮哨牙同扮鬼臉，無懼女神形象崩壞！

有網友笑言佢喺預演過年後食得多嘅自己，佢即神回表示：「過年了！怎麼可以不胖成兩百斤！」獲網友大讚可愛！