岑潔儀整鮑魚頂瓜瓜　朋友讚99分！

藝人岑潔儀出席好友形象指導許嘉浩的網上直播節目，透露最近開設網上飲食頻道：「我入行時參加《美女廚房》，我係『地獄廚神』，但隨住年齡增長，生完小朋友同埋疫情，依家成日喺屋企煮嘢食，希望煮到好出名餐廳嘅名菜。（你老公讚你廚藝？）佢從來都唔讚我，但我最近學整椒鹽鮑魚，佢話好OK，食完冇再肚痛，我平時煎蛋都會煎燶，但依家真係出得廳堂入得廚房。」她又表示朋友大讚其廚藝值99分，令她很有滿足感。

講到最近分手的好友阮兒，她表示：「佢好開心呀，其實都唔係最近嘅事，尋晚成班好朋友食團年飯，希望有個新開始，作為佢嘅朋友，佢咩決定我一定支持。」她又透露老公都是對方介紹她識：「佢係我嘅媒人，所以我都會幫佢介紹好嘅男士。」並大讚對方樣靚身材正：「佢唔怕啦，同埋佢嘅性格好直爽，男人會鍾意呢類型嘅女仔。」