同老公Long D！莊思敏婚後首年派利是姓都改埋

藝人莊思敏（Jacquelin）去年榮升楊太，今年新年首度以人妻身份派利是，她笑言﹕「以往都會派開工利是，不過今年就派雙封，但都唔會見到太多人，可以慳番啲。最失策係以前會去搜羅靚利是封，有自己嘅姓氏，今年個姓氏唔同咗，印唔切，要買現成。」

Jacquelin每逢新年都會前往馬來西亞探雙親，但今年因疫情而留港，所以都要買定年花及掛飾布置家居，至於老公就已返回台灣，夫婦倆要分隔異地過節。

Jacquelin坦言近兩年都不太順利，希望疫情早日過去，自己在工作上有新嘗試：「我想開一間公司做網上市場推廣工作，我身邊有唔少KOL朋友，又有合作開嘅客戶想喺網上平台做宣傳，我可以作為佢哋嘅橋樑。」講到生育大計，她認為無得計劃﹕「最緊要係見到面，依家生小朋友壓力好大，有小朋友成個生活模式都會改變。」