沈殷怡擇偶非主流!雲文子批余逸思最快結婚生仔

20210209
東網電視
更多新聞短片
「玄學天后」雲文子與沈殷怡、余逸思等人拍節目,眾女在節目內豁出去,其中余逸思只用布遮住重要位置,沈殷怡就盡展「大食」真性情!她們又乘機向大師請教運程,余逸思被睇好最快結婚生仔,沈殷怡就被讚牛年星運大躍進!
堪輿學家雲文子率領4位女神沈殷怡(Shirley)、余逸思(Yoshi)、陳俞希(Hailey)及練美娟,合作主持的ViuTV節目《開運旅神團》開始播出,節目內雲大師會講解風水、地運、生肖運程及開運菜。講到拍攝趣事,眾女都很大突破,如雲文子放下大師包袱,Yoshi則笑言與阿娟介紹尼泊爾餐廳時要穿上性感東南亞裝束:「我哋只用塊布、幾塊葉、花遮住重要位置,嗰時係冬天,仲要喺條街度跳舞好凍。」阿娟更被爆已搵了個「奶奶」:「我哋去間新疆餐廳,嗰個奶奶見同我好啱傾,話介紹個仔畀我。」Shirley就自爆被騙變得「大食」:「佢哋乜都呃我話係習俗,叫我食。」
眾女當然不放過問大師指點牛年運程,問到4女中誰最快會結婚生仔?大師即謂是Yoshi,被睇好的她即開心尖叫:「因為我鍾意小朋友,成日問師傅第時點樣生到小朋友,師傅話我住嗰度好旺丁,但我對象都未有,想要個男朋友先。」那問到睇好誰最快會拍拖?大師就謂是資歷最高的Hailey,她即自爆一直有人追:「但疫情關係追求者數字已經直線下降,冇得出街約人食飯。」
大師教路催旺人緣
現時4位女神都是單身,但擇偶條件則有所不同,其中Shirley更被爆另類,喜歡哨牙、戴眼鏡、瘦的男生,她即急急解釋:「我鍾意嗰啲日本男藝人係爆牙,好得意。」大師即教路如果大家想催旺人緣,可以在西南貴人位擺放心形的灰色咕?,眾人即大爆Shirley屋企夠大,更可以擺到真正的桃花,她笑言:「我真係會喺屋企圍住桃花順時針行3個圈,之前嗰啲可能兜錯咗,所以有爛桃花。」
睇好ANSONBEAN
講到公司入面有很多「小鮮肉」,阿娟即笑言不想與同公司的人拍拖,但她們就笑言大師可以,更逼她揀個「心儀對象」,大師即怕醜面紅不肯講,後改問大師睇好誰會星運亨通?她即「正經mode」上身:「嚟緊係ANSONBEAN(陳毅燊)啦,以奇門遁甲推算,佢個命宮有開揚、開展、開拓嘅意思,可塑性好強。」大家即起哄!女藝人方面,大師就謂睇好Shirley:「嚟緊1年佢係其中1個好大躍進嘅女藝人。」她續笑言因對方屬狗,牛年刑太歲太差,故想給她甜頭,幸好對方命硬,不用太擔心。
雲文子鞋贊助:Jimmy Choo
陳俞希服裝:Duras Hong Kong