蔡國威重返亞視　講定同韓君婷留家過年

藝人蔡國威重返亞視，為影音使團創世電視與亞洲電視簽約記者會擔任司儀，他表示是近5年來首次重返亞視，感覺好新鮮：「我好似遊客咁，嚟番都好多變化，一入大堂就覺得好光猛，不過我頭先差啲連廁所都唔記得喺邊，我以往美好同痛苦回憶都係喺度，但都已經過咗去。」問到今次回「娘家」，可有通知無綫？他表示有：「但因為始終呢度唔係免費電視頻道，我係受葉家寶邀請我嚟做司儀。」

講到新年，他表示會與女友韓君婷過：「本身有親戚團拜，但因為疫情都取消，改用視像拜年，所以留喺屋企算。（諗定情人節點慶祝未？）都係咁過，希望嗰日唔好鬧交啦，嗰日初三赤口，哈哈。」