爆郭晉安半夜幫老婆搵藥　譚俊彥：學佢做好男人

郭晉安（安仔）和譚俊彥（Shaun）為新劇《失憶24小時》宣傳，新劇下周一播映，2人表示對收視有信心，Shaun覺得觀眾喜歡喜劇，此劇還有親情和友情，安仔直言好開心認識Shaun，透露他們戲裏戲外鬥智鬥力，背熟劇本才入廠，他們自爆開工見面不是講早晨，而是一見面就講對白，故入廠不用帶劇本在身。

安仔說：「我哋仲開始講家事，唔使再講劇本。」好耐冇拍喜劇的安仔，笑言拍喜劇仲有難度，因為觀眾唔笑就輸，並即場講笑說：「我角色做低下階層，撈散工都有個咁靚嘅老婆（譚凱琪）和乖仔，證明有靚老婆係唔使事業有成。」

Shaun就爆安仔是真男人：「有日夜廠，凌晨2、3點，見安仔拎住電話講點都會買到嗰隻藥，放喺枱面畀你，原來係佢老婆唔舒服一定要食嗰隻藥，我同自己講，原來我係咁差嘅老公，要學佢做個好男人。」