產後首現身!譚凱琪餵人奶上圍脹卜卜

20210210
東網電視
更多新聞短片
藝人譚凱琪(Zoie)、王君馨、江欣燕(欣欣)為《失憶24小時》宣傳,其中穿低胸裙的欣欣最性感,台上王君馨笑說:「點解我着條裙冇呢個效果?」欣欣笑言:「我食得多缽仔糕。」
產後第一次公開露面的Zoie,穿鬆身恤衫亦見上圍升cup,她說無度三圍,但覺得着衫的確唔同咗,已好少着緊身衫,覺得尷尬。說《失》是生BB前拍,現在產後第一次出來就宣傳,故特別有感覺,透露之後會開劇拍《十八年後的終極告白》續集,現時女兒差唔多4個月大:「女都需要我,希望囡囡適應,都有心理準備,想兼顧事業家庭2方面,我好掛住女,返到屋企全部時間畀晒佢。」她說同劇演員譚俊彥和陳山聰都有小朋友,故大家防疫方面都好檢點,老公亦有提她小心,老公好尊重和支持她工作:「試吓先,希望得,好彩我開工媽咪和老公幫手,女都開始認人。(驚女唔認得你?)都有咁諗,佢好需要我,飲我奶大。」
現正餵人奶關係,已有心理準備邊開工邊揼奶,她說:「諗緊會辛苦少少,盡做,媽咪真偉大,但人奶對BB免疫系統好啲,會買定凍袋,call老公得閒就幫我送奶。(喺戶外揼奶?)會帶多啲消毒用品。(如果荒山野嶺拍?)都有唔少外景,不過香港交通都好方便,打電話可以call車有人幫我運送。」