對財神勁好奇！謝嘉怡大讚安德尊好靚？

港姐冠軍謝嘉怡、亞軍陳楨怡和季軍郭柏妍出席《睇電視 ?利是 融易過肥年》記招，台上謝嘉怡對安德尊財神裝扮甚為好奇，事後她說覺得大王好靚。

她們透露大年初會一起返公司與財神一同派利是，之後會食團年飯，嘉怡說：「應該會去我屋企，因為佢哋想見啲狗，又冇得出街食，應該叫盆菜或者打邊爐。（叫爹哋煮？）爹哋唔喺香港。（有冇學到爹哋廚藝？）我學點樣食嘢，爹哋煮嘢好叻，煮嘢食唔使跟食譜，試味就煮到，我煮嘢OK，但唔係特別好食。」陳楨怡今年會親手炮製蘿蔔糕送禮，笑言今年不用媽咪出手幫忙，但媽咪會在旁畀意見。而郭柏妍新年會行山，寓意步步高陞。

謝嘉怡提到提款卡失而復得一事，她說之前踩單車拎電話時掉失了卡也不知，後來朋友在社交平台看見有人出貼文才知道，已順利取回。她說好心人是男士，對方並不知道她是誰，也不擔心受騙。