鍾楚紅近照曝光　網民讚逆齡生長

「大美人」鍾楚紅（紅姑）多年來美貌如昔，將於下周二（16日）踏入61歲嘅佢，喺社交網晒出好友為佢提前慶生嘅相片，紅姑着上黑色西裝，對住鏡頭微笑，散發成熟女人味，皮膚狀態勁好，氣色紅潤，依然省鏡。好多網民都激讚佢保養得宜，逆齡生長！

分享保養秘方

紅姑亦曾分享過自己嘅保養秘方，除咗要瞓得好，仲要成日做運動，同埋愈年輕開始保養就愈好！佢強調唔鍾意做醫學美容，直言「要學會接受最真實的自己」，亦表示就算面上有皺紋都會依然接受，因為當女性從內心愛自己，才會得到大家的愛。