對沈震軒好認真！陳欣妍目標係結婚

藝人陳欣妍（Shirley）日前與香港開電視主播馬梓軒一同插年花賀年，Shirley悉心預備了銀柳和蠟梅兩款年花，她說：「銀柳取其讀音，有銀有樓，大富大貴，蠟梅主要係顏色繽紛，可以配襯銀柳，感覺好喜慶。」

去年受疫情影響娛樂圈近乎停擺，然而Shirley則慶幸自己仍有工作機會，她說：「上年自己算好好彩，比較深刻嘅係拍咗一部印度電影，喺疫情期間大家好辛苦咁去完成，導演同工作人員都喺印度返嚟，佢哋喺印度返嚟之後隔離咗一段好長嘅時間先開拍，好難得可以成功開鏡！」

Shirley被問到與男友沈震軒感情穩定，會否打算拉埋天窗，她說：「每次拍拖我都好認真，都會朝結婚呢個方向，但唔會係短期內嘅事，因為大家暫時都想以工作為先！」