【初一女神紅噹噹】方媛「王妃紅」定陳嘉倩「長腿紅」吸睛？

東網電視

新年伊始，想年頭行運到年尾，梗係要着到紅噹噹應吓節！女神Carry紅衫一定冇難度，就嚟睇吓佢哋有幾紅！

方媛王妃紅

郭富城太太方媛身為天王嫂，過年梗係要着得有貴氣，見佢喺疑似城堡下，着住件大紅嘅短裙，成個英國王妃咁樣，Grand得嚟又不失少女味！

陳嘉倩長腿紅

由新聞主播跳入娛圈，陳嘉倩已成為宅男頭號女神，趁大年初一，以一件紅色上衣襯白滑長腿，形成鮮明對比。

苟芸慧官方紅

人妻苟姑娘活躍社交網，新年一樣要紅到爆，着住火紅背心嘅佢襯番佢條玉臂係靚嘅，不過有啲似影官方照囉！

李施嬅雪地紅

即將成為人妻嘅李施嬅，冇着性感靚衫，反而就喺雪地着住件紅免羽絨晒幸福，佢仲話希望疫情快啲過去，真係有心！

on.cc東網