【有周志文照住】劉佩玥掃走衰嘢過新年：我好大隻！

藝人劉佩玥（Moon）出席無綫賀年節目《金牛獻瑞賀新禧》，對於去年經歷患病生蛇，揸車開工幾乎發生意外，笑指踏入新一年，不如意的事情將一掃而走：「冇晒啲衰嘢，牛年係一個新開始，希望今年順順利利，身體健康！（生蛇好番未？）好咗好多，仲有少少痛，好在之前開工，有戰鬥力同佢鬥過。」更指剛完成《把關者們》拍攝，將休息兩個月，會好好把握時間調理身體。

問到去年頻頻「出事」，會否趁機攝太歲？身為信徒的她表示：「我唔係好識呢啲，不過對自己有信心，好多時差啲出意外時，就會有天使出現，好似劉穎鏇同丁子朗！（係咪財多所以身子弱？）唔係啦！我好大隻，不過小病是福，所有嘢我都搞得掂，病都係其次，重要係感受到身邊人關心！（緋聞男友周志文係其中一位天使？）一定係，佢係好朋友嘛！好多時都關心我。」