蔣家旻冇晒緋聞男友一身輕 高海寧冇獎攞照派利是

20210212
東網電視
更多新聞短片
高海寧與蔣家旻齊齊同大家拜年。
藝人高海寧與蔣家旻在將軍澳電視城出席賀年節目《金牛獻瑞賀新禧》,台慶頒獎禮奪得「飛躍進步女藝員」的家旻今年首次派利是,預算會派4位數字,她笑說:「攞咗奬所以派利是,不過,估唔到今日咁多人,都有啲失預算。」高Ling笑說:「照你咁講,我唔應該派利是喎,我都未攞過獎,哈哈。」
高Ling指已經有10多年沒有參加大年初一的賀年活動,今日氣氛熱鬧。講到新上任高層曾志偉計劃開街舞節目,家旻說:「我真係好想參加,自己好鍾意跳舞,但係跳得唔叻,我都想接受呢個挑戰。」
高Ling則笑說:「不如下個節目先搵我,我對跳舞真係冇乜信心。不過,志偉哥返嚟一定會開好多唔同嘅嘢,總有一個會啱我嘅,哈哈。」家旻講到前緋聞男友麥秋成與湯怡將結婚,問到可有甩身感覺?她笑說:「係甩身嘅,還咗我清白,恭喜咗佢哋。」