外地慶新年！吳彥祖唐人街睇舞獅　林敏俐晒全家福

今日大年初二，唔少移居外地嘅藝人都有應節，其中型男吳彥祖去到唐人街，欣賞舞龍舞獅表演，感受濃厚新年氣氛，更拍片放上社交網同大家分享。而Rapper歐陽靖（MC Jin）不但孖住兩個囝囝着唐裝拜年，更親自唱Rap歌講恭喜發財，非常有心思。

至於前港姐冠軍楊婉儀則將家居布置一番，又親自煎年糕，並手持利是自拍，相當樂在其中。而2002年香港小姐冠軍林敏俐，亦晒出仔女講祝賀說話嘅短片，以及一家五口合照，非常溫馨。