怕謝安琪呷醋？張繼聰提早同佢慶祝情人節

藝人張繼聰向來係愛妻號兼廿四孝老竇，愛女心切嘅佢為免「正印」老婆謝安琪呷醋，特登趁今日情人節前夕，預先同前世情人囡囡慶祝，佢喺社交網晒出拖住囡囡行街嘅片段，見佢齊齊「情侶裝」上陣，非常登對，佢更留言表示：「情人節前夕，同前世情人拍拖，合理！」有網友就「突破盲腸」，指片段由謝安琪揸機：「今世情人幫你揸機記錄」，大讚佢夠晒「大方」。