董嘉儀未收過花 等Gordon奪「第一次」

20210214
東網電視
更多新聞短片
「宅男女神」大埔LuLu(董嘉儀)跟天堂鳥隊長Gordon的「戀情」炒到熱烘烘,女方怕醜承認互相了解中,希望再發展下一步。興趣多多的她,近日報讀插花課程再孖好友開設網上花店,又公器私用自送鮮花為樂。
LuLu於疫情期間自我增值,半年前開始學插花培養興趣,更即席表演插花,每個動作都仙氣逼人,而且相當專業!不過自認男仔頭性格的她,指開始學插花之前對鮮花一竅不通,其後才逐漸愛上:「雖然大家見我着裙,但其實我私下好Man,加上個人又心急,喺學習嘅過程中反而學識慢落嚟。」續自爆從未試過收花,問到會期待另一半送花?她搞笑話:「咁要幫襯我訂花喎!但又要識講大話,唔好畀我知,好矛盾,哈哈!」
近日盛傳她撻着Gordon,提起「戀情」時她即時面紅,笑說報道一出即收到四方八面的祝福,甚至連家人都有問起,不過為給予愛苗發展空間,就放棄追問。LuLu坦言跟男方約6、7年前因工作結識,一直都沒有聯絡,直至近日由做網友開始談心:「之後就約出嚟見面行山,咁大家都係單身,依家了解中。(佢讚你係好女仔。)多謝!哈哈!」對方是理想對象?她依舊甜說「了解中」,感覺對「戀情」大開綠燈:「希望理想對象嘅性格係專一,孝順同埋細心,慢慢嚟啦!(要摸清楚個底?)咁都要大家相處舒服,價值觀又唔太大出入,先可以行得長久。(Gordon爭啲咩?)睇緣分啦!冇得逼嘅,哈哈!」又稱不心急拍拖,始終以結婚為大前提,若發展有緣無分的戀情,最終只會Hurt到大家。
網上花店開業至今生意理想,她表示全靠身邊朋友鼎力支持,望今年內可以設工作坊開班教插花,為節省開支及確保花材完整,都會親自送貨,最難忘的是有次幫客人「箍煲」追回女友:「嗰次專登包靚啲,希望佢女朋友會回心轉意,好記得我送花束時,見佢都拎住個蛋糕,心入邊好希望佢事成!」