做過「逃學威龍」　簡淑兒憶爺爺鼓勵爆喊

藝人簡淑兒（Jessica）近日為無綫節目《野外步出》任嘉賓，笑指其他嘉賓要上山下海，相反自己僅採蜂蜜及玩草泥馬，輕鬆得多，期間她亦有與藝人方紹聰剖白內心世界，一提起已去世的爺爺，Jessica已忍不住爆喊，透露家人向來重視成績，但求學時曾有段反叛期，經常逃學，僅得爺爺力撐她：「當時聽到爺爺安慰已經好崩潰，決定的起心肝努力讀書，希望佢睇到我畢業，但到大學2、3年級佢就過身，我有寫信畀佢，雖然爺爺收唔到，但我有拎去墳場放低，話我畢到業叫佢唔使擔心。」更指至今不時反省，怪責自己當時應該多些陪伴他：「爺爺係我人生首次經歷生離死別，我發覺做咩都改變唔到事實，希望有一日做到成績出嚟，令佢喺天國更加開心。」